Gau osoan Udaltzaingoak eta Ertzaintzak joan-etorri ugari egin zituen, herriko gune ezberdinetan jazo ziren istiluak medio. Nafarroa plazaren inguruan, liskarraldi bat gazte zauritu batekin amaitu zuen; alabaina, neurri arinagoan mindutako gazte gehiago ere izan ziren. Zauritutako gaztearen lagunak eta familia "lekukoen" bila dabiltza, egoera argitzeko asmoarekin.
Zumea plaza ertzainez josia
Goizeko 03:00ak aldera sei edo zazpi patruila bertaratu ziren eta bi pertsona eraman zituzten autoetan. Poliziak, oraindik, ez du argitu erakustaldiaren arrazoia.
Edukiontziari sua
San Juan Bataiatzailea zahar egoitzaren ondoan dauden edukiontzietako bati su eman zioten arratsaldean. Udaltzainak sua itzaltzen aritu ziren.
