Andoaingo historiako gertakizunak ikertzea eta zabaltzea xede duen Leyçaur aldizkariaren 16. alea aurkeztu zuten Basteron, otsailaren 25ean. Lau ikerlarien lanak bildu dituzte aldizkarian: Aritz Diez (Andoaingo Goikoplaza), Karmele Otaegi (Natalio Pajarin eta Sorabillako eskola), Marta Trutxuelo (Zinea eta zinemak Andoainen) eta Xabat Petrikorena (Andoaingo hirigintza ardatz duen etxebizitza auziarekiko hurbilketa).