Orbelan Plasticos S.A. CIE Automotive enpresa multinazional euskaldunaren taldekoa da. ELAk aditzera eman duenez, “2021an CIE-k 3 mila miloi euro fakturatu zituen, eta 270 miloi euroko irabazi gordina izan zuen (dibidendutan 64 miloi euro banatuz)”.
Egun, Orbelanek 150 langile inguru ditu. Langileen ordezkaritzari dagokionez, zazpi delegatu ditu ELAk eta bi UGTk. Industriako enpresa bat izan arren, plantillaren %60a gutxi gora behera emakumezkoak dira; “ez da kasualitatea lan baldintza kaxkarrak izatea”, sindikatuen ustez.