Joxan Huici II. Memoriala, alebinen mailan, jokatu dute Ubitarten

Aiurri 2022ko api. 23a, 22:02
Deskargatu Info Ahotsak :
Español English Français Català Galego

Joxan Huici II. Memoriala alebinen mailan jokatu dute Ubitarte Zelaian gaur goiz eta arratsaldez, Euskalduna futbol taldeak antolatuta. Nesken mailan, Martutene KEk eta Orioko FTk jokatu dute finala, eta donostiarrek 4-0 irabazi dute. Mutilen mailan, berriz,  Euskalduna SD eta Billabona KE iritsi dira finalera, eta andoaindarrak 4-1 nagusitu dira. Bi finaleko partiduekin eta ondorengo sari emateekin osatutako argazki bilduma, ikusgai:

Euskaldunako lehendakaria izan zen Joxan Huici gogoan hartuta antolatzen da txapelketa, eta talde guztiek haren senitartekoen eskutatik jaso dituzte sari eta oroigarriak. Harmailetan egundoko giroa bizitu izan da egun osoan.

 

Talde parte-hartzaileak:

* Nesken taldeak: SD Euskalduna, CD Mariño, Martutene KE, Zarautz KE A eta Zarautz KE B, Goierri Gorri FK, Intxaurdi KE eta Orioko FT.

* Mutilen taldeak: SD Euskalduna A eta SD Euskalduna B, Astigarraga Mundarro FKE, Beti Ona KE, Inyternacional CD, Beti Kozkor KE, Billabona KE eta CD Touring.

Kirola Andoain
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!