Orioko Plazan egin zen ekitaldia, eta Joxe Mari Oiartzabalek zuzendu zuen Banda. Hamar abestiez osatutako kontzertuarekin gozatu ahal izan zuten bertaratutakoek: Andoain, Lau teilatu, Behin batian Loiolan, Eperra, Xalbadorren heriotzean, Orioko San Nikolasen ereserkia, Orioko futbol taldearena, Aliron, Egunsentia eta Martin Perona. Azken abesti hori igandean bertan estreinatu zuten; Joxe Mari Oiartzabalek osatu du doinua eta Joxe Ramon Berrondok jarri dizkio hitzak.