Izagirre zinegotziaren beraren hitzetan, “Koronabirusaren osasun-krisiak areagotu egin ditu merkataritzaren, ostalaritzaren eta tokiko zerbitzuen sektorearen biziraupenerako zailtasunak, eta testuinguru horretan, Udalak eta SALKINek beharrezkotzat jo dute saltoki txikiak eta ostalaritza babestea eta indartzea. Hitzarmen honen bidez, Udalaren beraren eta elkartearen arteko harremanak egonkorragoak izatea bermatzen da”.
HAN EDO HEMEN, EROSI ANDOAINEN
Bonuen bi kanpaina berri egingo dira 2022an. Lehenengo kanpaina ekainean zehar egingo da, eta 50 euroko balioa duten 2.000 bonu banatuko dira SALKINen lokalean, 25 euroren truke. Bigarren kanpaina abenduan egingo da, hain zuzen ere, Gabonetan tokiko kontsumoa sustatzeko. Ekimenak 100.000 euroko zuzeneko gastua aktibatuko du herriko denda, taberna eta jatetxeetan.