Andoaingo alkate Maider Lainezekin elkartu da, eta bilkurara batu da Jose Ignacio Asensio Ingurumena eta Obra Hidraulikoen diputatua. Olanok dierazi duenez, “lurralde aurreratua, solidarioa eta kohesionatua garela, pertsona guztiei enplegua, babesa eta etorkizuna eskaintzen diena”.
Informazioa eman eta jasotzeko azaroan martxan jarri zen kapsularen inguruan, diputatu nagusiak azaldu du ezinbestekoa dela gipuzkoarrei entzutea eta gizartearen beharrak, iritziak eta proposamenak jasotzea. Ildo berean, Maider Lainez alkateak nabarmendu du herritarren eta erakundeen arteko entzute aktiboa eta bi norabideko harremana ezinbestekoa eta funtsezkoa dela, aurrera egiteko eta haien kezkak ezagutzeko.
Diputatu nagusiaren iritziz, Etorkizuna Eraikiz programari esker,““Gipuzkoaren etorkizuneko erronkei erantzuteko asmoz, herritarrek aurkeztutako 125 proiektu bultzatu ditugu; halaber, 32 proiektu esperimental daude martxan eta bederatzi erreferentzia-zentro garatu ditugu erronka sozial eta ekonomiko guztietan eragiteko”.