Almitza sega elkarteak antolatuta, Euskal Herriko XIII. Bakarkako Sega Ligaren azken saioa Oiartzunen jokatuko da larunbatean, ekainaren 11n, arratsaldeko 18:00etatik aurrera. Lehiaketako azken saioa izango da, eta kategoria bakoitzeko Euskal Herriko txapeldunak erabakiko dira. Sailkapeneko lehen postutan alde gutxirekin daude segalariak, eta Malou Henriksen andoaindarrak eta Julen Gabirondo urnietarrak txapelak janzteko aukerak ez dituzte galdu.
Aurrez Udaben eta Altzon lehen bi saioak egin ostean, honela daude sailkapenak, puntuaketekin:
Emakumeen mailan, Henriksen hirugarren doa (116 puntu), Alaitz Imaz (119 puntu) eta Luixa Uzkudunen (117 puntu) atzetik.
Gizonezkoen mailan, berriz, Gabirondo laugarrengo postuan dago 116 punturekin, Mikel Lizartza (119 puntu), Jon Otegi (116 puntu) eta Migel Angel Jauregiren (116 puntu) ondoren.