Pentsiodunen larunbateko manifestazioan parte hartzeko deia luzatu dute

Pentsiodunen bizikleta martxa, Donostiatik abiatu zen egunean

Euskal Herriko Pentsiodunen Mugimenduak Donostian bizikleta martxa abian jarri zuen hilaren 13an. Egunez egun Euskal Herriko hainbat herri zeharkatu ostean, etzi, larunbatarekin, Donostian amaituko da. Ondoren, 12:00etan, nazio mailako manifestazioa egingo dute. Mugimenduko Andoaingo kideek Donostiara hurbiltzeko deia luzatu dute, bai bizikletari martxari ongietorria eskaintzeko, eta baita manifestazioarekin bat egiteko.

Bizikleta martxako parte-hartzaileek Atarrabia-Baiona ibilbidea osatuko dute gaur, eta bihar, berriz, Baiona-Irun. Azkenik, larunbatean iritsiko dira Donostiara, esan bezala.

Nagusiki hiru aldarrikapen gizarteratzeko antolatu dituzte bizikleta martxa zein manifestazioa: 1.080 euroko gutxieneko pentsioa, zerbitzu publikoen indartzea, eta, babesa eta zaintza lanen banaketa (ez daitezen soilik emakumeen ardurak izan).

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!