Tolosako Instrukzioko 3. zenbakiko Epaitegiak Ernai Gazte Antolakundeko gazteen legezko ordezkaria deklaratzera deitu du, joan den urteko abenduan Buruntza mendiko gurutzea eraisteagatik. Uztailaren 18an, goizeko 11:00etan deklaratu beharko du kereilatuak. Eginbide hori bideokonferentzia-sistemaren bidez gauzatuko da.
Gainera, PPk akusazio partikular gisa aurkezteko eskatu zien Lasarte-Oriako, Andoaingo eta Urnietako udalei ere, gurutzea frankisten zutitu bazuten ere, herritarren eta mendizaleen elkargune bilakatu zelako.
Kontestu historikoa
Buruntzako gurutzea 1939ko abuztuan zutitu zuten, 1936ko kolpe militar faxistan parte hartuz hil ziren matxinatuak omentzeko asmoz. Falange erakundearen ekimena izan zen, eta Andoaingo Udalaren babesa izan zuen.