Sanestebanak 2022

Bazkaltzeko eta afaltzeko aukera Goiburuko plazan

Goiburuko jai egitaraua irakurtzen hasita, larunbat eguerdian plazan bazkaltzeko aukera izango da. Eta baita igande gauean ere. Asteazkenean Goiburuko plazara hurbildu ziren askok aukera hori baliatu zuten, gau giro ederra zegoela baliatuta.

Menuari erreparatuta, janari goxoa eta prezio hobeak aurki daitezke: Kostilla, piper beteak, arrain pastela, kroketak, marisko ‘goilaratxoak’… Asteburuari begira, eskaintza zabaltzekotan dira lanerako beti prest dauden Jai Batzordeko kideak. Makarroiak eta pasta entsalada eskaintzekotan dira. Larunbat eguerdian eta igande gauean, beraz, auzoko plazan merke eta on bazkaltzeko aukera paregabea dago.

Larunbat gaueko afarirako txartelak behar dira

Larunbat gauekoa auzotar guztien afaria izango da, baita jai batzordekideena ere. Kanpotik ekarritako janaria ekarriko dute eta bertan afaldu nahi duenak ostiral honetan hasita (28 euroko prezioan) eskura ditu txartelak jai eremuko txosnan. 

Udalak Hiribus zerbitzua eskainiko duela kontutan izanik, andoaindarrentzat asteburu honetan Goiburu-San Esteban auzora hurbiltzea plana borobila da.

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!