Aparteko Osoko Bilkura egingo dute, Udalaren oharrak jasotzen duenez, honako xedearekin: "Gipuzkoako Foru Aldundiko Bide Azpiegituretako Departamentuak aurkeztutako Bazkardon, Tolosako noranzkoan, A-15 eta N-1 errepideen arteko lotura hobetzeko proiektuari buruz Udalak duen jarrera aztertzeko".
Ez ohiko plenoa datorren irailaren 12an izango da, astelehenarekin, arratsaldeko 19:00tan hasita.
Aurretik, Hirigintza Batzordea
Udalak, bestalde, biharko Hirigintza Batzordea streaming bidez eskainiko duela erantsi du. Andoain.eus edo Youtube bidez jarraitu ahal izango da. Batzordea 09:00tan hasiko da.
Herri bilerak
Foru Aldundiaren egitasmoari alegazioak aurkezteko epea zabalik dago eta Andoainen hiru bilera ezberdin deitu dituzte, hurrengo hiru egunetan.
- Irailak 1, osteguna. 19:00, Bastero Kulturgunea.
- Irailak 5, astelehena. 19:00, Karrika elkartea.
- Irailak 7, asteazkea. 19:00, Sorabillako Erretoretxea.