Udalak ohar bidez jakinarazi duenez, goizeko Hirigintza Batzordean “Bazkardon, Tolosako noranzkoan, A-15 eta N-1 errepidearen arteko lotura hobetzeko aurkezturako proiektuari buruz Andoaingo Udalak aurkeztu beharreko alegazio-proposamena aztertuko da". Egun berean, arratsaldeko 19:00tan hasita, ez ohiko plenoa izango da sortu berri den plataformak gai berari buruz aurkeztutako mozioa aztertu ahal izateko. Udalak on line eskainiko ditu bi hitzorduak: "Herritarrek bi bilerak jarraitu ahal izateko, streaming bidez emango dira eta, ondoren, Udalaren webgunera igoko dira (www.andoain.eus)".
Irailaren 2ko Hirigintza Batzordea ikusgai
Irailaren 2an Udal ordezkariek eta Udal Arkitektoak alegazioen inguruko puntua aztergai izan zuten. Kaltetutako hainbat herritarrek iritzia eman ahal izan zuten.
Astelehen arratsaldean bilkura deitu dute, plenoa hasi aurretik
Ez ohiko mozioa aurkeztu duten bizilagunek elkarretaratzea deitu dute, datorren astelehenerako. 18:30ean hasiko da, eta plenoa 19:00tan izango da.