Aldundiak atera zuen lehen agiria Aita Larramendi ikastolako aferan, Udalari atzerapenaz jokatzen ari zela salatuz. Alkateak gogor erantzun zuen. Eta arratsaldean EAJ-PNVren agiria iritsi zen. 24 ordu beranduago PSE-EEren erantzuna iritsi da.
EAJ-PNVK ARGITARATUTAKO OHARRARI ERANTZUNEZ
EAJ-PNV Udal Taldeak atzo igorritako oharrari erantzunez, Udal Sozialistak argi utzi nahi du:
- Andoaingo alkateak eta udal honek ez diola inolako oztoporik jarri Foru Aldundiari lursailak lagatzeko garaian, Aita Larramendi Ikastolan pantailak jarri ahal izateko.
- Joan den irailaren 2an Aldundiari jakinarazi genion komeni zela harik eta alegazioak aurkezteko epea igaro arte lagapenik ez egitea, sor litezkeen kontraesanak saiheste aldera.
- Alegazio-aldi hori atzo amaitu zenez, gaur hasi gara lursail horiek lagatzeko prozedura eta izapideekin.
- Alkateak eta Udaleko Talde Sozialistak Andoain herriaren eta andoaindarren defentsa besterik ez dugu egin. Arduraz jokatzea eskatzen dugu, Andoaingo herritarren ongizatea nagusitu dadin, eztabaida antzuen aurrean.