Azken urteotako joerari eutsiz, Udalak egutegia herritarren partaidetzarekin osatuko du. Hilabete bakoitzeko argazki bana aukeratuko du, eta irabazle bakoitzak 150 euroko saria jasoko du.
Xehetasunak
- Argazkiak argitaratu gabeak izan behar dute eta egile bakoitzak gehienez 3 argazki aurkeztu ditzake. Aukeratu den argazkian azaltzen diren pertsonak identifikagarriak balira, egutegian azaltzeko haien baimena aurkeztu beharko da. Partehartzaileek 16 urte gorakoak izan behar dute.
- Formatua, bereizmen handiko digitala, horizontala eta 2-10 MB pisukoa, zabalera 4350 px x altuera 2900 px. Bereizmena 300 ppp. Adobe RGBn JPGn formatuan. Aurkezteko epea: urriaren 1etik 31 arte izango da, www.andoain.eus webgunean.
- Emaitza azaroaren 15a baino lehenago jakinaraziko da.
Txitxu Ruiz Kulturako zinegotziak andoaindarrak parte hartzera deitu ditu: “Herriko ondare naturala balioan jarri nahi dugu, ziur gaude maila handiko argazkiak aurkeztuko direla”.