Cano Aristoyren ustez, “gure lurraldeko bide-azpiegituren puntu beltz garrantzitsuenaz eta konplexuenaz hitz egiten ari gara, eta, foru-proposamenarekin, ez da segurtasuna handitzen lotura horretan, eta ez da amaituko auto-ilarekin. Proiektu honen bidez, N-1 eta A-15 errepideen trazadurek Andoainen sortzen duten banaketari eta harresiari eutsiko zaio”.
PPko bozeramaileak defendatu du N-1 errepidea egungo trazaduratik mugitu behar dela, eta, horregatik, kontuan hartu beharko litzatekeela 2011ko proiektuan jasotako aurreko proposamena, bide hori mendebalderantz mugitzea defendatzen zuena: “Guztiaren gainetik, andoaindarren ongizatea nagusitu behar da, eta, horretarako, egungo N-1 errepideko lursailak besterenganatu behar dira, herritarrek berreskura ditzaten. Horri esker, Oria ibaiaren ibar osoa udalerriaren hiri-trazaduran sar daiteke”.