Irati Moreno eta Oihan Lopetegi andoaindarrek ezin izan zuten garaipena eskuratu Gasteizko Laia Uriberen eta Julen Martinezen aurka (25-30). Hiru eta laugarren postuetako norgehiagokan, Ibon Alonso gasteiztarra eta Aiert Goikoetxea hondarribitarra gailendu ziren Andoaingo Hodei Zuriarrain eta Berriozarko Ander Ekizaren aurka (30-28).
Azkenik, final handia jokatu zen, eta Aitor Itoiz andoaindarrak garaipena lortu zuen Mikel Gamarrarekin, Jokin Maguregi eta Imanol Gamarraren aurka (35-22).
Naroa Merino elitean
Euskadiko Eliteko mailako aurrelari hoberena bilakatu da andoaindarra. Maila handia erakusten ari da azken aldian, baina jasandako lesioa medio, denboraldi batean kirola egiteari utzi beharko dio.