Maider Lainez alkateak, “hitzarmen honen bidez turismo kontrolatuaren eta jasangarriaren aldeko apustua egiten dela" nabarmendu nahi izan du, Leitzarango ingurune naturala zaintzeko xedearekin.
Gipuzkoa osoko eta Euskadiko gainerako ikasleek Andoainera hurbiltzeko aukera izango dutela adierazi du Lainezek, bailara ezagutzeko eta bertatik bertara bizi diren espezie bakarrak eta babestuak ikusteko; hala nola, bisoi europarra, Pirinioetako muturluzea edo haltzadia.
Jose Luis Verdasco zinegotziak nabarmendu duenez, “ostatu-jarduera landa-inguruneko turismo-ostatuaren ereduari egokitu beharko zaio, zehazki landa-turismoko aterpetxe gisakoari, turismo-aterpetxeak arautzen dituen Eusko Jaurlaritzaren Dekretuaren arabera. Otietako indarretxe zaharrean egingo den eraikinaren egiturari esker, ikasle-taldeek edo antzekoek gure harana ezagutzeko eta ingurune natural batean ostatu hartzeko aukera izango dute”.