Astebete da, eta hilabetea igaro dela dirudi. Zortzi eguneko epean C2ak kaltetutako plataformak jendetza batu du Basteron, agerraldia egin du Batzar Nagusietan eta ibilbide gidatua antolatu du. Eta guztietara jende kopuru nabarmena erakartzeko gaitasuna erakusten ari dira.
Aita Larramendi ikastolako instalakuntzatan kutsadurak eta zaratak sortzen duten kalteaz ohartarazi dute. Langara zubian, berriz, Andoaingo Hiri Antolamendurako Plan Orokorraren baitan jasotako garapenak hizpide izan dituzte. C2a martxan jarriz gero, adierazi dutenez, udalerrian zaildu egingo litzateke hiri jasangarria izatea etorkizunean. Espigoian eta Zumea kalean urak sor ditzakeen arriskuaz ohartarazi dute. Karrikan eman diote amaiera, han ere zaratari lotutako afekzioa oso handia izango litzatekeelako.
Jardunaldia Katramila antzerki taldearen saiotxoarekin amaitu da.