Ahobizi eta belarriprest aritzeko egunak gainean ditugu. Txapa soinean janzteko garaia da, beraz. Horretarako txapa eskuratu behar da. Euskaraldiaren bitartez jaso badaitezke ere, Andoainen Kale Nagusiko egoitzan eskuratu daitezke. Egun hauetan jende asko hurbiltzen ari da Zasa zenaren egoitzara, txapa bila.
Andoaingo Euskaraldiaren bulegoa ZASAko lokalean dago, Kale Nagusiko 33. zenbakian. Astegunetan, asteazkenetik ostiralera irekiko da, 17:30-20:00 bitartean. Euskaraldiko produktuak izango dira salgai: jertseak, kamixetak, poltsak, eta kaleak apaintzeko banderak. Eta, nola ez, ahobizi eta belarriprest txapak.