Andoaindarra izateaz harro dagoela adierazi zuen, eta, 2019ko ekainean Andoaingo alkate izendatu zutenetik bere ohorerik handiena, “auzokideak ordezkatzea” izan dela gaineratu zuen.
Pandemia urteak eta Ukrainako gerrak legealdia gogor baldintzatu dutela aitortu arren, lankide sozialistei esker udal kudeaketa errazagoa izan dela azpimarratu zuen.
Ziurtatu zuen koiunturak aukera eman duenean, Andoaingo Udalean suspertze sozioekonomikorako baliabideak bideratu direla, eta gainera, “gure konpromisoen artean zeuden proiektu estrategikoak eta inbertsio eraldatzaileak berreskuratu” direla. Laínezek gehitu zuenez, bere taldeak ate guztiak jo dituzte, “beste erakunde batzuekin finantzaketa eta akordioak bilatzeko, andoaindarren bizitza hobetzea ekarriko duten” proiektuak gauzatzearren”.
Harro dagoela egindako lanagatik, baina oraindik “aurrean erronka asko” daudela betetzeko gaineratu zuen Lainezek. “Proiektu berriak eta ideia berriak bultzatu behar dira, eta datozen urteetan horiek errealitate izatea nahi dut”.
Jose Ignacio Asensio Gipuzkoako diputatu nagusiordeak adierazi zuen Andoainek pisuzko hautagai bat behar duela, “lidergoa eta erabakitzeko gaitasuna, eta irizpide eta balio argiak izango dituena”. Erantsi zuen Andoainen proiektu "ezkertiar, plural eta errealista” bultzatzen eta defendatzen jarraitu behar dela, eta eginkizun horretarako bermea dela PSE-EE alkatetzan egotea.