Andoain-Iruñea ibilbidea egingo du autobusak, abenduaren 18an bertan. Goizean, Andoaindik atera eta, finala amaitu ostean, aterako da autobusa, Andoainera berriro itzultzeko. Andoainen hasi eta Andoainen amaituko da ibilbidea, tartean ez du geldialdirik egingo.
Azkar batean bete zen autobusa
Urpa konpainiako 55 plazako autobusa irtengo da Andoaindik, Aiurrik antolatuta. Eskaintzaren berri eman eta azkar batean bete zen autobusa. Bidaiariek 15 euro ordainduko dute joan-etorriagatik, baina Aiurriko harpidedunek abantaila izango dute eta 10 euro besterik ez dute ordainduko.
08:45tan Makaldegian
Igande goizean aterako da busa. Nafarroa Arenara busa iristean, bus gidariarekin batera lotuko da itzulerako toki zehatza.