Gabonak | Andoain

Errege Magoei gutuna uzteko aukera izango dute andoaindarrek

Aiurri 2022ko abe. 26a, 10:55
Deskargatu Info Ahotsak :

Errege Magoei gutuna bidaltzeko aukera izango dute andoaindarrek, gaurtik, urtarrilaren 5era bitarte, Allurralde kiroldegian. Hala, epea amaitzen den egun berean igaroko dira hiru protagonista magikoak herritik. La Salle Berrozpe ikastetxeko 180 bolondresek antolatu dute etorrera, Joandeleitzanea Berri baserriaren eta Super Amararen laguntzarekin nahiz Andoaingo Udalaren babes ekonomikoarekin. 

Honako hau izango da ibilbidea:

  • 16:45: Erregeek, pajeek eta laguntzaileek zahar egoitzako aiton-amonei bisita egingo diete.
  • 18:25: menditik jaitsiko dira herritarrengana.
  • 18:30: Txitibar plazatik hasiko da ibilbidea, Zumea kalerantz: hainbat geldialdi izango dira, hain justu ere, Zumea plazan, Kale Nagusian eta Bastero inguruan.
  • 19:00 -19:30: Andoaingo Txistulariak udaletxeko aterpean egongo dira, girotzen. 

  • 19:15- 19:30 Goiko Plazara iritsiko dira Erregeak. Udalak harrera egingo die, areto nagusian. Ondoren, udaletxeko balkoitik emango dute mezua, baita gozoki-sorta bota ederra ere . Argazkiak ateratzeko udaletxeko aterpean geldituko dira. 

 

Gizartea Andoain
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!