Euskal Autonomia Erkidegoko 16 eta 29 urte bitarteko gazteen %40ak baino gehiagok zailtasunak dituzte ekonomikoki hilabetean aurrera egiteko. Horrez gain, EAEko alokairuak gazteen soldataren %40a baino gehiago suposatzen duela adierazi dute hainbat ikerketek. Andoaingo gazteen kasua eere antzerako da, izan ere, Andoaindar gazteen %65,56a oraindik gurasoen etxean bizi dira eta hauetatik %82,9ak ezgaitasun ekonomikoak medio gurasoen etxeetan jarraitzen dute. Datu horiez gain, Andoaindar gazteei buruzko beste hainbat datu argitaratu ditu Gazte Koordinadora Sozialistak bere txosnean.
Txostenean irakur daitekeenez, gazteen ia % 90ek kezkagarritzat jo dute etxebizitzen egoera; izan ere, arestian aipatu bezala, gehienek emantzipatzeko arazoak dituzte, batez ere, arazo ekonomikoak direla eta. Batetik, soldata baxuek eraginda hilabete amaierara iristeko arazoak nabarmendu dituzte; bestetik, lan baldintza kaskarren arazoa nabarmendu dute. Horrez gain, alokairuan sartzeko diru-laguntzak eskatzeko zailtasunak nabarmendu dituzte. Datu esanguratsuak da, laguntza eskatu dutenen % 20ari soilik eman diela, hots, bost herrotarretatik bat bakarrari.
Datu eta informazio gehiago eskuragarri ikerketa txostenean: