Segizioa Goikoplzara itzuli denean, ekitaldia antolatu duen Lupercales konpartsako zenbait kide udaletxeko balkoira igo, eta hitzartzea egin dute. Aktualitatearekin zerikusia duten hainbat erreferentzia egin dituzte, umorea eta kritika soziala eta politikoa erabiliz: emakumeak orain fakturatu egiten dutela abesten duen Shakira, txotxongiloen modura erabiltzen gaituzten politikoak, borboi lapur eta “kabroia”... Azkenik, plazara hurbildu diren festa zaleei “sexua, dirua eta osasuna” deseatu ostean, Shakira gisa bataiatu duten Sardina erre dute.
Aita Santuak, mojek, apaizek, monagilloek, negar-kantariek, heriotzak eta hainbat herritarrek hartu dute parte Goikoplazatik Zumea plazarako joan-etorria egin duen Sardinaren Ehorzketaren segizioan, Joselontxos txarangak jo dituen doinu triste zein alaien erritmora. Argazki-sorta eta hiru bideo (segizioa, hitzartzea eta Shakira Sardinaren Erretzea), ikusgai:
Erlazionatuak
Andoainen Sardinaren Ehorzketa Goikoplazan
2023 ots 19 Andoain
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!