Bideo emanaldi batekin hasi da ekitaldia, eta Ana Carrere eta Jon Zulueta hautetsien lekukotzarekin gogoan hartu dira azken agintaldiak. Maddalen Iriarte Gipuzkoako Foru Aldundirako hautagaiak ere parte hartu du ekitaldian, bideo bidez. Andoaini oso lotuta dagoela aitortu du, haurtzaroan udak bertan igarotzen zituelako.
Gaurko hitzorduan hautes-zerrenda aurkeztea zen xedea, eta atzekoz aurrera banan bana aurkeztu dituzte hautagai guztiak. Ekitaldiak une gorenak izan ditu, eta horietako bat Kontxi Arratibel hautagaia aurkeztu dutenean izan da. Alvarez Letek ere haren aldeko hitzak izan ditu, eta ikusleen txalo zaparrada jaso du.
Hauxe da ziklo politiko berrirako hautes-zerrenda
- Andoni Alvarez Lete
- Marta Lasa Goñi
- Xabier Fondon Pajares
- Garazi Usandizaga Zubiria
- Josu Mateo Turrillas
- Haizea Barandiaran Zubillaga
- Diego Barrasa Ruiz (independientea)
- Larraitz Arriola Larrarte
- Aitor Ibarguren Larrarte
- Miren Maite Ansa Eceiza
- Estebe Lopez De Munain Txapartegi
- Kontxi Arratibel Buenetxea
- Pello Oria Ponce
- Izaskun Beraza Ormazabal
- Roge Miguez Rodriguez
- Uxune Tena Ugarte
- Juantxo Arregi Pagola
- Miren Dominguez Elosegi
- Asier Aranburu Sanchez
- Inma Laskibar Erkizia
Haria ez da eten
Ainara Rodriguez, Ana Carrere, Agustin Alberro… iraganean pisu handia izan duten hautetsiak izan dira eta oraindik ere parte hartze aktiboa dute EH Bildun. Haien lana nabarmentzearekin batera agintaldi honetan agur esango duten Esti Mujika, Jon Zulueta, Julian Lopez eta Maite Etxeberria gogoan hartu dituzte. Lore sorta bana eman diete, eta lauren izenean Jon Zuluetak hartu du hitza. Egindako ibilbidea eta herritarrak ordezkatzea plazerra izan dela esatearekin batera, gogoan hartu ditu Axier Oiartzabal eta Ainhoa Ozaeta euskal presoak.
Andoni Alvarez Lete hautagaiaren hitzartzea
Kiroldegiko bigarren pista, Udal liburutegia errealitate bihurtzea, emakumeen etxea eta sortzaileen gunea izango dira EH Bildurentzat erronka nagusiak. Denen ekarpena eskatu du, alkatetza berreskuratzeko: “Gu guztiok zerbait emateko gai bagara, sinistuidazue, lortuko dugu, elkarrekin lortuko dugu baina horretarako boto guztiak beharko ditugu, gure inguruko guztiak eraman beharko ditugu bozkatzera, eta hori egiten badugu, bakoitza bere ingurua aktibatzeko gai bada lortuko dugu eta Andoain hobe bat egingo dugu”.