Oholtza gainean, Ramon Iriarte, Ander Setien eta Mirari Diaz aritu ziren hizketan. Publiko artean, berriz, honakoak: Iker Ipintza, Jose Ignazio Garmendia, Velasco anaiak, Olatz Irazu, Maitane Urruzuno, Joxe Mari Artola, Maria Dolores Loidi, Txokolo Irazu eta Ander Lopez.
Ainhoa Aiertzak eta Ainara Arratibelek gidatu zuten mahainguru zabala, eta eurek jarri zituzten zenbait galdera eta kontuei erantzun behar izan zien parte-hartzaileek. Hona planteatu zituzten zenbait gai: Euskaldunaren urrezko garaia, hirugarren mailara igotze historiko hura, historian aurrekoen bizipenak nola ikusten dituzten egun Euskalduna osatzen duten kideek, jokalariek, Euskaldunaren historian noizbait bere partaide izanak zertan aberastu duen, Etxeberrietatik Ubitarterako igarotzea (aldaketak onerako eta txarrerako), futbolari gisa bizitza guztia klub bakarrean egitea, emakumeen presentzia Euskaldunan (jokalari, jarraitzaile eta zuzendaritzako kide gisa), zer egin daitekeen Euskaldunan emakumeen parte hartzea handiagoa izan dadin, etorkizunean Euskalduna klubak zer izan beharko lukeen...
Solasaldia parte-hartzailea gertatu zen, eta ekitaldia bukatu ostean, guztiek mokau goxoa jateko aukera eduki zuten.
