Hiribusak Gautxori zerbitzu berezia eskainiko du, gauez, autobusean mugitu ahal izateko. Zerbitzua apirilak 28, 29 eta 30 gauetan eskainiko da; ordutegia gauerdiko 00:00tatik goizaldeko 4:30era bitartean izango da erabilgarri. Irteera puntua Zumea plazako autobus geltokia izango da, eta aurreko jaietan egin bezala, geldialdiak eskaeren arabera burutuko dira.
Ibilbidea honakoa da: Zumea, Beheko plaza, Olagain, Bertxin, Plazaola, La Salle hiribidea, Kaletxiki, Ama Kandida hiribidea, Calonge, Rikardo Arregi, Agustin de Leiza, Kale Nagusia, Kale Berria, Karrika, Sorabilla.