Egun hauetan bisitarien kopurua handitzen ari da, azken egunak direla jakitun. Bat baino gehiago, gainera, behin baino gehiagotan hurbildu da erakusketara. Hiru argazki handi jarri dituzte Basteron: Euskalduna Etxeberrietan jokatzen ageri den lehenbiziko argazkietako bat, zuri-beltzean, Euskaldunak historian izan duen lehenbiziko emakume taldea eta taldeko argazki berezia, non 2022-2023ko denboraldiko jokalari, entrenatzaile eta zuzendaritzakide guztiak eta maskota berria azaltzen diren. Argazki gehiago ikusgai daude. Hiru aro berezi dituzte, 1923tik 1960ra, 1960tik 1998ra eta 1998tik 2023ra.
Klubaren ehun urteko ibilbideko argazkiak, egunkarietako antzinako albisteak, jokalarien jantziak eta klubak eskuratutako trofeoak ikusgai daude. Erakusketa zabalik izango da larunbatera bitarte. Ostegunean eta ostiralean 18:00etik 20:00etara, eta larunbatetan 10:30etik 13:30era eta 18:00etatik 20:00etara.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!