Lehen partida, Lontxo-Jauregi eta Amondarain-Loidiren artekoa izan da; final usaineko finalerdia ikusteko eta bizitzeko aukera eduki dute ikusleek, eta, azkenean, Lontxo-Jauregi bikotea izan da garailea (22-21). Bigarren norgehiagoka, Mujika-Ponce eta Andoni-Gaizka bikoteen artekoa izan da; partida honek pilote gutxiago eduki du eta azkarragoa izan da; azkenean, Mujikak eta Poncek lortu dute garaipena (22-14).
Esanak esan, finala ostiralean izango da Mujika-Ponce eta Lontxo-Jauregi bikoteen artean; 3. eta 4. postuetarako lehia Amondarain-Loidi eta Andoni-Gaizka bikoteen artekoa izango da.