La Salle Berrozpe ikastetxeak Kanpezu herrian abian jarri zuen kanpaldia, 1972an. Haren historia hitzez eta irudiz jasotzen duen "Kanpezu. Puntu eta jarraia" izenburuko liburua aurkeztu dute. Argitalpen atsegin eta irakurterraza, egilearen umore adimentsuaz zipriztindua, maiz. Uda honetarako irakurgai ezin egokiagoa eta freskagarriagoa.
- Joan Jose Larrea Bilbao salletarra da bere egilea. Bi hizkuntzetan dator 236 orrialde dituen liburua; Joxe Ertzibengoa salletarrak egin du itzulpena.
- 300etik gora argazki biltzen ditu argitalpenak; horietan, 50 urtetan nola edo hala parte-hartzaile izan diren hainbat eta hainbat pertsona ageri dira.
- 2010an hil zen Antonio Urdangarin salletarrari eskaintzen dio liburua egileak, hura izan baitzen Kanpezuko kanpaldiaren buru eta bihotz.
Bi zatitan banatzen da liburua. Lehenbizikoan, batik bat, tokia hartzen dute Kanpezuko kanpaldia abian jarri zeneko testuinguru historikoak eta gauzatze prozesuak, Kanpezu udalerriaren eta Kanpezuko Santa Kruzeko kuadrillaren kokapen geografikoak, bere historiak zein ondare historikoak eta natur balioek. Aldi berean, mendi erdian kanpamentuko azpiegituraren (kanpin-dendak, sukaldea, jolas lekuak…) ikuspegitik kanpaldiak berak bizi izan duen garapena, zein aisialdiko ekintzak (lan-ardurak, mendi irteerak, jolasak...) kontatzen ditu.
Erreportaje osoa irakurgai dago Aiurri hamaboskarian
Aiurri aldizkaria harpidedunek soilik jasotzen dute etxean. Harpidedun ez denak kioskoan eros dezake hamaboskaria eskualdeko ondoko saltokietan:
- Andoain: Ernaitza eta Stop liburu-dendak.
- Amasa-Villabona: Basajaun liburu-denda eta Amasa kafetegia.