Atzean doaz faborito nagusiak, besteak beste, Remco Evenepoel belgikarra. Gurean, albistea, tropelburuan da. Izan ere, Mikel Iturria Euskaltel Euskadi taldeko txirrindularia aurrealdean doa.
Breakaway:
— Donostiako Klasikoa (@dklasikoa) July 29, 2023
1⃣3⃣ @FranckBonnamour
7⃣1⃣ @Romainbardet
1⃣5⃣2⃣ @JulienBernard17
1⃣6⃣7⃣ @NVHooydonck
2⃣1⃣5⃣ @Itturri46
+ 01:15
PELOTON 🚴♀️
⚠️ https://t.co/nTXpJjkLyR #Klasikoa2023 pic.twitter.com/r0GYEjjkwe
🧡 #EuskaltelEuskadi #Klasikoa2023
— Euskaltel Euskadi Team (@euskaltelteam) July 29, 2023
✊ @Itturri46 Alkizan gora! Mendiko puntuak berarentzat.
✊ Mikel Iturria subiendo Alkiza. Los puntos de la montaña para él. pic.twitter.com/p8bn4ckKJZ
Etxeko errepideetan, aurrealdean
Zer pasako ote zitzaion Iturriari burutik, etxeko errepideetan aurrealdean zihoala? Poz handia, ziur, eta aurretik jarritako helburua bete izanaren harrotasuna. Goi mailako lasterketa baita, eta horrelakoetan erritmoa askoz biziagoa da. Lesioak izan ditu, eta lehia gehiago du faltan. Baina dagoeneko hamar urte egin ditu profesionalen artean, eta eskarmentua ondo baliatu du eguneko ihesaldian sartzeko.
2010eko uda hura gogoan
Gaurkoa poz handia izan da Iturriaren etxekoentzat, herrikideentzat eta Andoaingo Txirrindulari Eskolarentzat. Goikoplazara iritsi dira, eta dagoeneko txirrinduzale askok bazekien tropelburu zetorrela Iturria. Goikoplazatik Kaletxikirantz abiatu dira, handik Urnietara sorterrira hurbiltzeko. Gauzak zer diren, 2010eko ekainean, Iturria Andoaingo Txirrindulari Eskolako jubenila zen. Urte hartako Gipuzkoako Itzuliaren etapa Andoainen amaitu zen, Urigain parean. Kaletxikitik sartu, udaletxera igo eta azken metroak ihesean egin zituen Urigaineraino. Garaipen sonatua izan zen, sekulakoa! Egun batzuk lehenago Mendaron garaile izan zen, eta urte osoan zehar aurrealdean eman zuen. Formakuntza lan horri esker profesional mailara jauzi egin zuen, duela hamar urte. Gaur, goi mailako tropelean, garaipen loriatsu hartako txokoetatik igaro da. Lehen eta orain, onenen pare. Bejondeizula, Mikel!