179.337,90 kostearekin irtengo dira lizitaziora konponketa lanak, eta bi hilabeteren buruan lanak esleituta egotea espero da. Ondoren, hasiko dira lanak, eta atzerapenik eduki ezean bi hilabeteko iraupena edukiko dute.
Tunela 2022ko ekainean itxi zen lehenengoz lur-jausi bat tarteko. Hasiera batean tunelaren parte bat konpondu zen, baina arrakala berriak aurkituta, segurtasuna bermatze aldera, tunela itxita mantentzea erabaki zen aurreko agintaldian. Aurkeztu berri den proiektuak tunel osoaren segurtasuna bermatzeko aktuazio ezberdinak egitea aurreikusten du.