Beste urte batez, aurrekontu partida bat herritarren parte-hartze zuzenarekin osatuko da; zehazki, 250.000 euroko diru-partida izango da inbertituko da prozesuan.
Nabarmendu beharra dago bi berritasunekin datorrela prozesu partehartzailea; batetik, informazio puntuak ezarriko dira herriko hainbat tokitan, herritarrek beharrezkoa duten informazioa eskuratu ahal izateko. Bestetik, aurtengoan, 16-18 urte bitarteko gazteek ere parte hartzeko aukera izango dute. Ikastetxeetan parte hartze prozesuari buruzko saio bana egin nahi da, egitasmoa aurkeztu eta parte hartzea sustatzeko. Horretarako, Goiatz Salvador andoaindarra egongo da dinamizatzaile lanetan. Salvador bera agerraldian izan da, udal ordezkariekin batera.
Datak
Ideien aurkezpena irailaren 18tik urriak 6ra bitarte egingo da. Ondoren, balorazio teknikoak ideien egingarritasuna baloratuko du, urriaren 9tik 20ra bitarte. Azkenik, bozkatzeko aukera egongo da azaroaren 15etik 30era.