Lehen aldiz egingo da Andoainen. Gymkana modukoa izango dela aurreratu dute, Leizaran institutua, La Salle-Berrozpe ikastetxea eta Aita Larramendi Ikastolako 1. eta 2. DBHko ikasleen parte hartzearekin. Guztia, 352 gazte deituta daude.
Platape Kirol Klubak bideratuko du bi orduko iraupena izango duen saioa, eta antolatuko diren taldeetan hiru ikastetxeetako ikasleak egongo dira nahastuta.
Euskararen protagonismoa indartzeko Jokin Goikoetxea DAZN telebista kateko esataria arituko da 'speaker' lanetan.
