"Bastero erreferentzia bat da. Askotan jo izan dut hemen, kontzertuak ikusten ere izan naiz hemen. Urteurrenean ariko gara Esne Beltzarekin eta guretzat plazer bat da hemen izatea". Adierazpen horiek Xabi Solano Esne Beltza taldeko kantariarenak dira. Diskoaren azken prestaketan dabiltza. Zortzigarren diskoa izango da, eta kantu bakoitzean nazioarteko artista baten lankidetza izango dute. "Bidaia modukoa da diskoa", adierazi du Solanok.