Urteurrena borobiltzeko azken emanaldia datorren azaroaren 3an izango da, eta gaurkoz herritik eta herritarrentzat egindako ikuskizuna izango dela aurreratu daiteke. Kultur eragile ugari ditugu Andoainen, musikari, dantzari, antzerkigintzari eta beste kultur jarduerei loturikoak. Horren guztiaren isla izango da datorren asteko emanaldia. Udalak ohar bidez adierazi duenez, emanaldian zehar belaunaldi ezberdinen artean loturak sustatuko dituzte, herrigintzari bere lekua eskainiz: "Andoaingo Udalak herritarrak animatu nahi ditu mugarria elkarrekin ospatzera". Joateko asmoa duenak, hori bai, hobe du gonbidapena aurretik hartzea. Ikuskizunean herriko askotariko artista, eragile ate elkartek parte hartuko dutenez, aretoa betetzeko aukera handiak daude.
Bideoan, Klaap dantza eskolako ikasleak iazko Euskaraldirako egin zuten bideo-grabaketan.