Euskaldunaren Mendi Astea, emanaldiez eta ekitaldiez beteta egunotan

Xabier Lasa 2023ko aza. 21a, 14:02

Mendizaleek gozatzeko aukera daukate Euskalduna Mendigoizale Taldeak aste honetan antolatu duen 58. Mendizale Astearekin. Vicente Barcenak eta Koldo Zubimendik Kharut tontorrera egindako lehen igoeraren gaineko emanaldia eman zuten atzo. Gaurtik igandera bitarte, berriz, Pirinioak BTTn eta Comunismo Gailurra gaitzat dituzten emanaldi bana, bazkideen batzarra, eta, tradiziozko mendi txangoa eta bazkaria iragarri dituzte.

Argazkia, Euskalduneko mendizaleek Avellanaleko tontorrera (Araba) urriaren 29an egin zuten txangokoa da (Egilea. Euskalduna MT).

Hona egitaraua, gaurtik aurrera:

* Azaroaren 21ean (asteartea):

“13 egun Pirinioak zeharkatzen BTT Transpirenaika” emanaldia. Julen Esnaolarekin. 19:00etan, Euskaldunaren Egoitzan.

* Azaroaren 22an (asteazkena):

Bazkideen batzar orokorra. Euskalduna M.T. Egoitzan, 19:00etan.

* Azaroaren 23an (osteguna):

“40 urte Komunismo gailurrera igo ginenetik”. Jose Antonio Arruabarrenarekin. 19:00etan, Euskaldunaren egoitzan. Hain zuzen, Miguel Angel Mendieta, Jesus Mari Arantzegi, Jose Antonio Arruabarrena eta Ramon Mari Iturralde tolosarrek osatu zuten gailurrerako espedizio historiko hura.

* Azaroaren 26an, (igandea):

Mendi irteera eta babarrun jatea Oiartzunen.

Kirola Andoain

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!