ADIERAZPENA
"Azken asteetan hainbat edukiontzi erre dituzte herriko zenbait puntutan. Nahita egindako ekintzak izan dira, aurrez pentsatuak eta prestatuak. Alde horretatik, udal gobernuak bere kezka eta ezinegona adierazi nahi ditu, eta adierazi nahi du horrelako gertaerek ez dutela lekurik gure herrian.
Halaber, herritarrei adierazi nahi die lanean ari direla Udaltzaingoarekin eta Ertzaintzarekin egileak nortzuk diren identifikatzeko. Lankidetza horren ondorioz, herritarren artean alarma piztu duen egoera onbideratzea espero du udal gobernu taldeak".