Anbrosia Olabiden (Gizarte Zerbitzuen saila kokatzen den eraikinean) ezarri dute makina hori, egunerokoan ohiko prozedura administratiboetarako "baliagarri izan daitezkeen zenbait agiri eskuratu edo hainbat eragiketa egin ahal izateko". Herritar guztiek sarbidea izango dute Nortasun Agiria edota B@kQ ziurtagiri digitala sartuta. Udalak adierazi duenez, honako agiriak eskaintzeko berehalako laguntza emango du:
- Ordainagirien kontsulta eta inprimaketa.
- Ordaindu gabe dauden ordainagirien kontsulta eta inprimaketa.
- Errolda ziurtagiriak.
- Ordainagirien ordainketa (banketxe bakoitzaren arabera).
- Sarrera erregistroa egiteko aukera.
Erabilera errazekoa
Udalak erabiltzeko erraza dela ziurtatu du: "Erabilera erraza eta intituitiboa du makinak; edonola, bi astez, langile bat egongo da astelehenetik ostiralera, 10:00etatik 12:00etara, makinaren erabilera egokia erakusten. Gainerakoan, egunero erabili ahal izango da makina, eguneko 24 orduetan".