Yerai Martin 2022an iritsi zen SD Eibarrera, eta iazko lehen mailara igotzeko taldeak egindako lanaren zati garrantzitsua izan zen. Eibarrek, andoaindarraren agindupean, 1. mailara (F Liga) igotzea lortu zuen iaz: 13 garaipen, 14 berdinketa eta 3 porrota izan zituen, eta maila horretan gol gutxien jaso zuen taldea izan zen.
Yerai Martinen agindupean, emakumezkoen lehen taldeak 13 puntu lortu ditu denboraldi honetan lehen 14 jardunaldietan, eta jaitsiera-posizioetatik kanpo dago. Ipuruan jokatu diren azken 3 partidak irabazi dituzte armaginek.