Ibaian ikustera ohituta gauden beste espezieekin alderatuta, handia eta astuna da. Leitzaran eta Oria ibaietan, herrigunean, ikusten ari garen ahateak mokoaren gainean karunkula gorria du. Arra den seinale da hori. Etxekotutako azpiespezia behar du izan, basokoa eta hibridatu gabekoa lumaje oso ilunekoa baita.
Seo.org eta Wikipedia webguneetan irakurritakoagatik, Anatidae familiako ahatea da. Sorburuan, Mexiko, Argentina eta Uruguairaino hedatu zen. Egun, Iberiar penintsulan zabalduta dago. Ur geza duten zuhaiztietan bizitzeko ohitura du, batez ere hezeguneetan, aintziretan edo korronte moteleko erreka edo ibaietatik gertu. Etxeko azpiespeziea, gainera, klima epeletan bizi da.
Kale Nagusian eta Zumea kalean dabilenarentzat, txarra ez ibaira begira jartzea egunotan. Zinez, ikusteko modukoa baita animalia. Tamainagatik, bereziki.