Gizonezkoen bi taldeak oso bestelako egoera bizitzen ari dira, denboraldi honetan. Bigarren multzoan, Euskalduna sailkapenaren gaikaldean da. Aurreko asteburuan, Ilintxaren zelaian garaipena lortu ostean (1-2), Danena taldea jasoko dute Ubitarten. Sailkapenean, 4.postuan da Euskalduna.
Lehen multzoan, maila berrira egokitzeko lanak ditu Urnietako taldeak. Aurreko larunbatean etxeko partida galdu zuen Santo Tomas Lizeoaren aurka (0-2). Asteburu honetan Getariako taldearen zelaian ariko dira. Helburu argia du Pablo de Torresen taldeak. Azken hamar jardunalditan jaitsiera postuetatik aldentzea. Une honetan hamalaugarren postuan sailkatuta daude eta salbazioa lau puntura dago. Urnietarrek ez dute hain erraz etsiko, talde sentimendu indartsua baitute.