Egun, Iginitzek Himalaian trekkingak eta Nepalen bidai alternatiboak antolatzen ditu (@mundunomada).
Boskoteak hilabete bateko ibilaldia egin zuen Himalaian iazko urri-azaroan, motxila bizkarrean hartuta.
Adierazi dutenez, “paisaia zoragarriak ikusi ditugu, eta bertako biztanleen kultura, koloreak, jaiak... ezagutu ditugu. Geure burua baldintza gogorretan ezagutzeko aukera ere eman digu bidaiak. Gure historia kontatzeko gogoz gaude, argazkiak erakutsi eta une berezi horietan sentitu ditugun bizipenak azaldu nahi ditugu. Gustatuko litzaiguke Andoaingo biztanleek bizi izan dugun abenturaren berri izatea!”.
Urigainen egingo duten hitzaldian, mendizaleei eta naturzaleei mezu jakin bat helerazi nahi dietela ere zehaztu dute: “Jendeari zera jakinarazi nahi genioke, pertsona arruntek, pixka bat prestatuz gero, egin ditzaketela horrelako ibilaldiak. Himalaia aipatzen denean, ez dela pentsatu behar, inondik ere, Everest edo beste zortzi milakoak igotzea denik bakarrik!”.
