Aizarnazabalen jokatu da Gipuzkoako Eskolarteko lehen kanporaketa, Mikel Elkartea leporaino betea zela, giro ezin hobean. Kattalin Arabolaza irabazlearekin batera aritu ziren kantuan Urko Arakistain, Jakes Etxeberria, Joanes Azpillaga, Suhar Gesalaga eta Jare Antzizar.
Ostiral honetan, Andoainen
Bigarren kanporaketa Andoainen izango da, martxoaren 8an, Kotoi Elkartean. Xuban Urdailleta, Nikola Iraola, June Aiestaran, Jare Bengoetxea, Peru Alijostes eta Eñaut Olarra ariko dira bertsotan. Sarrerak salgai daude www.bertsosarrerak.eus webgunean.