Honatx eskaintzen dituen zerbitzuak:
Bizikleten alokairua
Leitzaran Bisitarien Etxea Leitzarango bide berdeari buruzko erreferentzia eta informazio gunea izango da, eta bailarako bidezidorrei edo Andoaingo udalerriari buruzko informazioa eskainiko du. Bizikletak garbitzeko zerbitzua, konponketak egiteko gunea eta BTT/MTB bizikletak alokatzeko zerbitzua (ohikoak edo elektrikoak) izango ditu.
Esperientzia gidatuak
- Ferrata bidea: aurten ere ferrata bideko altuerazko ibilbide interpretatu gidatua izango da proposamen nagusietako bat. Bisita gidatu bat da, eta, aldi berean, ferrata-bidea egiten da. Ekintza gida batek lagunduta egiten da eta talde txikitan (gehienez, 5 persona talde bakoitzeko). Aldez aurretik online erreserbatu ahal izango da webgunetik. 35€ ko tarifa estandarra izango du, eta 14€-ko tarifa berezia andoaindarrentzat.
- Orientazio zirkuituak: hiru zailtasun motarekin, tipologia guztietako bisitariei zuzendutako jarduera da (familiak, kuadrilak, taldeak). Bisitarien Etxean ematen den mapa baten bidez, bailarako txoko ezberdinak ezagutarazten dira. Mapan dauden argibideak jarraituta, adierazitako balizak aurkitu beharko dituzte parte-hartzaileek ahalik eta denbora laburrenean.
- Bisita gidatu tematizatuak, oinez eta bizikletaz: bisita gidatuak eskainiko dira Leitzarango bide berdetik eta bailarako bidezidorretatik. Bisita hauek tematizatuak izango dira: fauna, flora, dantza, ohiturak, industria, mitologia...
Informazio guztia webgunean edo 943300920 telefonoan emango da.