Gipuzkoako Lurralde Auzitegian atzo egin zen epaiketa. Fiskaltzak 14 urteko espetxealdia eskatua zuen, baina auzipetuak erasoa onartu eta Clara Campoamor elkarteak bultzatutako akusazioarekin akordioa lortu zuen. Esan bezala, zazpi urte eta erdiko zigorra ezarri diote, sexu erasoagatik, bizilekua bortxatzeagatik eta lesio delitu arinagatik.
Akusatuak bideokonferentziatik egin zuen deklarazioa, Palentziako La Moraleja espetxetik. Izan ere, bertan kartzela zigorra betetzen ari da, aurrez, beste bost txandetan epaitua eta zigortua izan baita 2012-2019 epean egindako bortxaketengatik.
Hain zuzen, 12 urteko kartzela betetzen ari da, Beasainen emakume bati egindako sexu erasoagatik; 9 urte, Lasarte-Orian egindako sexu eraso batengatik; eta azkenik, beste 18 urte, Andoainen, Tolosan eta Anoetan egindako sexu erasoengatik.