Harira Marokoko zopa, Kebab-a aljeriar erara, Marokoko kuskus gozoa eta Mauritaniako te gozoa dastatu dute Kotoira hurbildu direnek. Hango eta hemengo andoaindarrez bete da elkartea, aurreko saioek izan duten arrakastari jarraipena emanez. Geroz eta indar handiagoa hartzen ari da ekimena, kultur aniztasunean sakontzeko eta munduko gastronomiaz gozatzeko dagoen gogoaren seinale.