Andoaingo Udalak "Kultura Loratzen" izeneko egitasmoa aurkeztu zuen, iazko azaroan. Herriari bizitza ematen dioten eragileekin hausnarketa prozesua izan zen, herriko dinamikaz analisia egiteko. Aholkulari profesionalek gidatu zituzten saioak, hiru denera, "hausnarketarako, eztabaidarako eta proposamenak biltzeko". Helburua bikoitza zela dio Udalak: "Batetik, irakurketa partekatua gauzatzea. Bestetik, etorkizunean gure herriko kultura arloko bide orria zein izan beharko lukeen marraztea". Hiru ondorio argi atera ziren:
- Kultura Mahaia eratzearen beharra, herriko eragile, elkarte, talde eta norbanakoak batuko dituena.
- Herriko egutegi bateratua sortzearen beharra.
- Tramite administratiboetan herriko eragileei sostengu eta laguntza eskainiko dien laguntza teknikoa eskaintzea.