Argazkian, Juan Usarralde Laskibar, hainbat arreba eta ilobekin, Udal ordezkariekin, Udaleko Gizarte Zerbitzuetako langileekin eta Done Juan Bautista Bataiatzailearen egoitzako langileeekin ageri da. Zutik, ezkerretik hasita: Sebastiana Usarralde, Rosario Usarralde, Nerea Martinez, Andoni Alvarez alkatea, Maria Kandelaria Usarralde, Jaione Goia, Arantxa Irazusta eta Ariane Lertxundi. Makurtuta, Arantxa Alkorta Gizarte Zerbitzuetako langilea, Nerea Garate, Mila Olaizola, Haizea Barandiaran Gizarte Zerbitzuetako zinegotzia, Ixiar Igerategi, Alaia Olazabal eta Isabel Algaba.
Argentinan, mende erdia
Juanek Argentinan mende erdia kasik egina du. Soldaduska egin ostean, frankismo garaiko krisi ekonomikoa atzean uzteagatik joan zen Ameriketara, eta 1997an itzuli zen Andoainera berriro, erretiroa hartu eta gero.
Bera baino urtebete lehenago jaiotako Joxe Mari anaia ere Argentinara abiatua zen ordurako bizimodu hobe baten bila, eta bertan hil zen.
Juan Usarraldek ez du galdu hizjarioa, kontu kontari bikaina da, eta zorrotz heltzen dio memoari ere. Solasakide ezin apartagoa, hortaz.